السلام عليكم ورحمة الله ..
مَساء / صَباح
الراحة وطاعة الرحمـن ,,,
الراحة وطاعة الرحمـن ,,,
كلكم ودكم يكون عندكم بريد امريكي تقدرون تطلبون عليه اي شي من امريكا ,,
بعد بحث دام سنتين اقولكم انه ارامكس جدا جدا تعيسسسه ماراح تستفيدون منهاا
يمكن بالبدايه كلنا بنطلب شغله لاغير كنوع تجربه اذا توصل او لألألألأ
بس بعد ماتوصل اول طلبيه لنا عاد هنا يبدي شغغغغف التسوق ويبدي الادمان ,,,
بعدها تبون اكثر من شغله من اكثر من موقع او اكثثر من شغله من بائعين مختلفين ,,,
لو على ارامكس على كل شحنه صغيره بياخذ 4 دنانير
تخيلوا طالبين 10 شحنات × 4 دنانير =40 دينار قيمه شحن فرضاَ
بس انا لقيت شي احسن بواجد من ارامكس ويجمع طلبياتنا ونقدر نغير الفاتوره ونكتب شنو مانبي فيه
كل هذا عن طريق موقع nybox.com
مميزات الموقع :
- التسجيل في الموقع مجاني
- يعطيك عنوان امريكي مجاني
-يجمع الشحنات مجانا في حال العضويه الدرجه الاولى اما العضويه المجانيه رسوم التجميع 5$ لكل شحنه
- طرق الدفع هي visa
- امكانيه تخزين الشحنات 30 يوم واكثر
هناك نوعين من الاشتراك :
الحساب الاول (Standard Membership )
وهو اول مايحصل عليه العميل عند التسجيل ولكن لا انصحكم بهذا الاشتراك
فأسعار الشحن غاليه الا حددد كبير
الحساب الثاني (Premium Membership )
وهذا الحساب الي انا معتمدته اسعار الشحن عليها 50% خصم
والتجميع فيه مجانا
الاشتراك فيه بطريقتين
- الاشتراك 15 دولار شهريا ولازم تشترك لمده ثلاثة اشهر او 150 دولار سنويا
التصوير مجانا وتلقائي في الاشتراكين
اذا تبون شرح مفصل للموقع هنا
شرح الاشتراك
الموقع nybox.com
اضغطوا على التسجيل
بعدها راح تفتحلكم صفحه اكتبوا بيناتكم
اكتبوا اسمكم الي في البطاقه واسم العايله والبريد وكلمة المرور ........ الخ
هذي الصفحه تبين انه تم انشاء الحساب باقي تفعيله ادخلوا الائميل وافتحوا الرابط الي جاكم
بعد مافعلنا الحساب نسجل دخول بالموقع عن طريق الائميل الي سجلنا فيه والباس ,,,
بعدها راح تفتحلكم هذي الصفحةةة مبروكم عليكم عنوانكم الامريكي تم بنجاح
باقي اول خطوه تسوونها انكم تكتبون عنوانكم ان كنتوا في الكويت / او السعوديه / البحرين او او
طريقه كتابه العنوان
1- تكتبون المنطقه والشارع والجاده والمنزل كانكم توصفون لمطعم بالضبط بس اكتبوا بالانقلش
مثال :
kaifan , block 1 , street 5 , house 6
kaifan = كيفان منطقه عندنا بالكويت
block = القطعه
street = الشارع
house = المنزل
2- المنطقه
انا كتبت محافظة الكويت kuwait
3-المدينه انا كتبت KY
يعني الكويت
4- الرمز البريدي
تقدرون تكتبون اي شي (خرابيط بمعنى)
او الي بالكويت هذا موقع حاط رمز كل منطقه http://kuwait-post.com/
5- اكتبوا رقم تلفونكم مع فتح الخط مثال 965-
بعدين اضغطوا على ارسسل
نرد على حسابنا
شوفوا الي انا مضلله عليه هذا هو عنوانكم الامريكي
اول سطر هو adrs1
السطر الثاني adrs2
السطر الثالث المدينه - والكود
او اضغطوا على كيفية استخدام عنوان الولايات المتحده لشرح مصور اكثر
هذي الجزء حبيت اوريكم اياه كنوع توضيحي لو كنتوا مستخدمين العنوان وطالبين عليه شي راح تشوفون
صندوق البريد الوارد فيه شحنه
لرؤيه الشحنه نضغط على عرض كافة الطرود بالتفصيل
راح تظهر لنا صفحة الشحنات المستلمه بالصور ووقت استلامها ,,
في مربع القيمه هنا يمكنا تبديل سعرها
لو كان عندنا شحنات اكثر وحبينا نجمعها نحدد على خانه اعد التعبئه لكل شحنه <<بعدها ننطر يوم الى يومين لين مايجمعون شحنتنا
ويقيسونها وبعدها ندفع قيمه الوزن وبس ننطرها توصل لي بيتنا
نصائح لكم :
1- لو كنتوا طالبين اكسسوارات او اي شي قابل للكسر قبل ماتدفعون الشحنه في
تحت مربع ملاحظات اكتبوا لشركه انها تغلفلكم اغراضكم وحرصوا عليهم
2- لاتشحنون قطعه او قطعتين بس لا حرصوا تكون طلباتكم اكثر من 5 قطع
للاستفاده من سعر الشحن
3- الموقع جميل ولكن لاغنى عن الاخطاء في اخطاء صارلتلي بس كل خطا اراسلهم واقولهم مره وصلني اكسسوار مكسور وقتلهم وتأسفوا وبعدها عطوني شهر اشتراك مجانا
4- بعض المرات يتأخرون بالتجميع لو جمعت اغراضي الاثنين نقول الثلاثا يالله يصوورن التجميع فدائما جمعوا اغراضكم الاحد
على مايجمعونها نقول الاثنين او الثلاثا وبعدها شحن 3 ايام
5- اشحنوا دائما على الدي اتش ال شركه رائعه ماتدقق على المكياج والعطور والخ
لا آحلل النَقل دَون ذَكر المَصدر مع حفظ الحَقوق لي وَ لشمواه
المَوضوع إجتهاد شَخصي بَحت
المَوضوع إجتهاد شَخصي بَحت
دُمتم بخير ي رب
تم بحمدالله
