تجربة المقشر الياباني كيور + Cure Natural Aqua Gel

هو عبارة عن مستحضر ياباني لتقشير البشرة والتخلص من خلايا الجلد الميت خلال دقيقة وحدة. يتكون من 90% ماء .. لا يحتوي على اي مواد مهيجة للبشرة.. يعني بدون كحول.. بدون عطر.. مجرد جل اساسه الماء , ويباع كل ١٢ ثانيه علبة منه ويعتبر الاكثر مبيعاأ في اليابان
المكونات: المياه، والغليسرين، الأكريلات crosspolymer، كلوريد dicocodimonium، بروميد steartimonium، Barbadensis الألوة استخراج أوراق الجنكة بيلوبا مسحوق نبات، روزماري انتزاع ورقة، بوتيلين غليكول، c10-30 ألكيل اكريليت.

تجربتي +تجربة الوالد
قبل اسبوعين تقريبا شفت رفيوات الاجانب عن هالمنتج وانه يزيل الجلد الميت الي يحتاج جلسات حمام مغربي نششيله ويالله ينشال بعد هالمنتج خلال دقايق بس بتشوفون الخلايا بتطيح جدامكم اول شي ماصدقت بصراحةة بكلام الاعلانات بس بعد ماشفت اليوتيوب والاجانب وحبيبتي القنت قيرل كانت متكلمه عنه تشجعت وطلبت لي وفريت باأكثر من موقع لين شفت السعر المناسب بالامازون وكان عليه عرض ثلاث عبوات بسعر مناسب وقلت يالله نجرب .
بكل امانه جربته وفعلا بتشوفون جلد بيطيح وجربته على ايدي والاكواع والركب , ايدي ماشفت جلد ميت كثير بس الركب شفت وفعلا فرق علي اللون وكانه حاطه عليها كريم :) جربته يومين ورا بعض من الوناسه .. المقششر يناسب الجلد الميت لانه اول ماراح ينحطي عليه ومع تفريك بسيط بيطيح الجلد جدامكم جربته على رجول الوالد العزيز لانه رجوله حدث ولاحرج وانصصدم الوالد من النتيجه كان ودي اصورلكم بس نسيت.. من اول مرة تخلص من الجلد الميت بنسبة ٦٠٪ بالميه وهنسبة كبيرة لانه مع التفريك المعتاد ماكان يحصل علي هذي النتيجه :) الوالد من كثر ماحب النتيجه قال بيشتري طن من المنتج
تفاصيل المنتج
سعر المُنتج : 91.5 دولار حوالي (9.226 دنانير كويتي للعلبة الوحده)

أماكن التَوفر : أمريكا 

رابط المنتج : أمازون

طريقة الاستخدام 

مقتبس من البلوقر  القنت قيرل 

- يناسب كل مناطق الجسم وغير مخصص لمنطقة معينة ويتفاعل مع الجلد الميت فقط، يستخدم للمرفقين والركبتين والوجه ومنطقة  الاندر ارمز.
- يجب إستخدامه على الجلد الجاف النظيف الخالي من المكياج والخالي من الماء تمامًا وإلا لن يجدي نفعًا
- توضع كمية مناسبة للمنطقة المراد معالجتها وإزالة الجلد الميت وتفرك بلطف بحركات دائرية لمدة ٣٠ ثانية لكل منطقة
- من ثم سيتحول لجل أبيض مخلوط بالجلد الميت، يشطف بالماء الفاتر
- تجنب منطقة تحت العين لأنها منطقة رقيقة وحساسة
- يستخدم من مرتين لثلاث في الأسبوع وإذا كنتِ تعاني من حساسية فيفضل مرة واحدة

أشياء ماحبيتها بالمنتج

 - سعره نقدر نقول شوي غالي لو بتطلبونه من برا مع الشحن بس بعض التاجرات ممكن توفرة بسعر اقل

-العبوه حجمها واحد 250 مل ماتتوفر بأحجام مختلفة لو توفرت بأحجام عندي افضل تناسب السفر او الاستهلاك المتكرر وبس هذا الشي الي اشوفه موكامل بالمنتج 

– تنصحينا نَجربه ؟!

المنتج يعتبر الاكثر مبيعا باليابان وهذا الشي الرئيسي الي ساعد في شهرته عندنا اكيد ماراح تشوفون النتيجه الي تتمنونها من اول استخدام لاا طبعا وهذا مستحيل حتى لو رحتوا العيادات المتخصصه ماراح تشوفون نتيجه مرضية من اول مرة لا ,, كل شي يبيله استمرار وعناية واهتمام والبشره تحتاج هالاشياء مستحيل اجرب شي مرة واقول انصح فيه وبقوه لا طبعا وبشراتنا ومشاكلنا تختلف من وحده الى الاخرى  ماراح تعرفون تقيمونه عدل الين كل وحده منكم تجربه بس عن نفسي حبيته وفادني ونقلت تجربتي وتجربة الوالد 

تقبل الله صيامكم

اذا عجبكم الموضوع واستفدتوا شاركوه مع صديقاتكم واهلكم وكونوا بالقرب في قيف اوي قريب

for ads  ghadeerblog1@gmail.com

 Twitter | Instagram |pinterest