السلام عليكم وَ رحمه الله وَ بركاته ♥
مبروك عليكم المطر اهل الرياض وعقبالنا بالكويت ان شاءلله ♥♥ الرفيو هذا المفروض اكتبببببه من مده بس
الي اسمه دوام × تعب الله لايوريكم ايااااه :$ ماعليكم المهم بعد هالكفاح قررت استغل وقت فراغي اليوم
واكتبلكم رفيو عن باكج التراير من كلينك - -
تجربتي لهذي المجموعه كانت بعد رمضان على طول يعني من شهر 8 تقريبا الى اليوم
فترة رمضان كنت مهمله بشرتي لي درجه انها صارت تدهن كثثثير بالعاده بشرتي ماتكون جذي ابدااااا وهدهن
طلعلي حبوب تقريبا مو واجد بس انا الحمدلله ماكانت بشرتي تحبب ابدا الا وقت الدوره - او بعد الدوره وتروح :(
طول فترة رمضان كنت مخططه على اني اخذ هذا الباكج والسبه المدح الي جااااه -
وخصوصا انه حجم مناسب لتجربه - وسعره جدا مناسب ومو خيالي ابداأ
قبل لا اتكلم عن المجموعه حابه اقولكم شغله العنايه الخارجيه ابدا ماتنفع اذا كان نظام الغذائي سيئ
بمعنى ى تاكلين فاست فود - بيبسي كثير - دهون - سكريات وتجين تقولين مانفعني شي وجربت
هالمنتج ومانفع / مشاكل البشره دايماأ تكون داخليه نقص فيتامين - قله شرب الماي الخ
حاولي تكثرين من الماي اول شي - قللي مطاعم - عودي نفسج على روتين صحي ورياضي حتى لو كان جسمج
بيرفكت الرياضه شي اساسي المفروض - ♥
نجي لمجموعه كلينك هذي في منها اربع انواع : للبشره الجافه - للبشره الدهنيه - للبشره المختلطه
قبل لاتقررون تشترون هذي المجموعه لازم تكونون عارفين نوع بشرتكم - او تخلون خبيره كلينك تفحص بشرتكم
وبعدها تعطيكم الانسسسب
بشرتي دهنيه - مختلطه / بيومها كنت اعاني كثثير من الدهون في الجبهه
فعطتني مجموعه رقم 4
المجموعه تتكون من غسول - تونر - مرطب
الباكج جدا جميل - وحجم العبوات يكفي اكثر من شهر تقريبا
نبدي بأول شي الغسول
مناسب لكل انواع البشره دهنيه / جافه / مختلطه
الطريقه :
- تغسلين البشره بالماي بعدها اخذي من الغسول كميه صغيره
- فركي الغسول بطلف خصوصا للي بشرتها حساسه
-خلو الغسول لمده دقيقه بالكثير وبعدها غسلو البشره
-نشفوا الوجه بفوطه خاصه او انا افضل بمنديل (كلينكس)
* رأيي :
الغسول خفيف على البشره ماحسيت انه سببلي تهيج او حساسيه حجمه بالنسبه للمجموعه رائع بس من رايي لو اكبر
احلى خصوصا اني حبيته وافكر ارجعع اشتريه بقوه
* وقت الاستخدام :
مرتين يوميا بالليل والصبح
الطريقه :
-بعد ماغسلنا الوجه بالغسول يجي دور التونر
-ناخذ قطنه ونحط منها التونر ونبدي نمسح نمسح
-لوكنتي حاطه مكياج راح تشوفين بلاوي بالقطنه هع - وافضل قطن احبه تبع بودي شوب المربع والدائري
* رأيي :
- شوي تحسون بحرقان بس ابدا ما أذى بشرتي يمكن تعودت عليه بس انا اشوف افضل كثير من تبع قارنيه - وتبع n7
* وقت الاستخدام :
بعد الغسول - يعني مرتين يوميا
انا صرت استخدما بس بالليل - واستخدمه اذا رديت من الدوام
ثالث شي المرطب
الطريقه :
- المرطب ينحط بعد الغسول -والتونر
* رأيي :
خفيف ملمسه غريب بس حلو تحسسون بنعومه بالبشره وانتو حاطينه / ينفع تحطونه تحت العين هذا حسب ماقالتلي الخبيره
وصرت بعد استخدمه كمرطب للبشره والعين
- ابدا مادهن بشرتي
- وماهو ثقيل والي راح تستخدمه راح تدمن عليه ♥♥♥♥
* سعر المجموعه: 12.750 دينار
* مكان الشراء : فافوم - vavoom - الافنيوز
،
خلصنا الرفيو الحمدلله ♥♥♥
ان شاءلله قدرت اكتب كل شي عن المجموعه والي عندها سؤال تكتبه هون - تويتر - انستقرام
وماراح اقصر بالرد ابداا :p
