Showing posts with label مشترياتي. Show all posts

pinkbasis.com &coastal Mini Haul !!



Hi my gorgeous fashionistas!
I'm here to show you all my last haul from pinkbasis.com &coastal makeup 
I ordered these last week of September 19, 2013 ,I actually ordered some more stuff from
pinkbasis.com because they still have a ton of sale items in their website.
normal international shipping takes 7-10 days . I'm very pleased with my purchases and I'm so happy .
I didn't purchase that much from them this time,becouse iwant to try it 
حبيت اعرض لكم تجربتي في الشراء من موقعين امريكين 
pinkbasis.com 
&
coastal makeup
للامانه هذي المره الاولى الي اطلب منها من هالموقعين
 طبعا الملابس والشغلات الي فيه تتميز بالسعر الزهيد جدا مقابل اسعار اسواقنا ..
الموقع الاول امريكي وانا وحده اثق فيهم جدا بعكس الصينين الي من اميه موقع يصدف موقع واحد محترم ,,,

مميزاته:

  • 1- اسعاره جدا رخيصه 

  • 2-الموقع امريكي اذن راح تكون مده شحن الطلبات اسرع

  • 3-الجوده جدا حلوه مقارنه بالاسعار الرخيصه

عيوبه صار في تأخير على الشحنه بسبب الدفع بالبايبل بس بعدها كلمتهم والحمدلله انشحنت اغراضي

روابط اغراضي لو حبيتو تشترون زيهم الشوز الاسود  , شوز الدانتيل , والفستان خالص للاسف 



واخر شي
تجربتي لموقع كوستال موقع صراحه رهيب خلال يومين وصل الطلب على بريدي الامريكي
طلبت منهم كونسيلر لانه شفت عليه رفيو حبيت اجربه وان شاءلله بس اجربه راح اتكلم عنه 

و بكذا إنتهت تدوينتي اتمنى انكم استفدتوا منها و حبيتوها 

في آمان الله

I hope all of you lovely people are having a fabulous day!
Thank you so much for reading 



 

Leather Shopper Bag| شنطة من اتش اند ام

 
 
مساءكم يوم جمعةة __
 
 
البوست هذا قررت انزله بعد ماشفت بوست للجميلة THE ARTISTIC HANDS
 عن هالحقائب الدارجه مؤخرا شفتها بأكثر من موقع ايباي وبمختلف مواقع التسوق ,,
كشكل جدا راقية وجذابه وعملية جداا وهنوع طبعا يصلح للي تحب تقتني الحقائب الكبيره
وطبعا الكل عارف انه الموضه من فترة الحقائب الكبيره بحجم المعقول ,,,
تلقون هنوع من الشنط بزارا , اتش اند ام , بريشكا ....
 
 
 
 
مكان الشراء :
اتش اند ام مرينا - الكويت
 
السعر :
 3 دنانير
 
رايي بككل صراحه :
حبيتها من النظر ولو كانت اغلى باخذها  احب الشنط المريحه العمليه
الجنطه خفيفه نصها جلد والبيج شمواه  ,,
في منها لونين لون وردي فسفوري مع بيج - والثاني بني مع بيج
اشتريت الوردي دخلت مزاجي وقلت ماتطوف
 
تعقييب :
على كثر روحتي للافنيوز ماشفتها متوفره الظاهر خالصه بس لقيتها بالمرينا
 
واذا عندكم اي سؤال بخاطركم انا حاضرةة
تابعوني على تويتر :
 

كبت الاكسسوارات |والاسعار المختلفه !!

 
السلام عليكم ورحمةة الله وبركاته
وانا اشوف فيديوات اليوتيوب طرا على بالي كبت الاكسسوارات(خزانه الاكسسوارات)
من مده شفت الاعلانات بالانستقرام واسعارهم ..
ويوم رحت السوق لقيته بسعر ارخص بوايد من التجار بالانستقرام
بالانستقرام لقيته حوالي 50دينار
رحت مره سيتي ستارز الري ولاالقى حاطينه ب29.750دينار
فقلت بشتريه ولايطلع لازم طلبيه ادفع وبعد شهرين يوصل قلت اوك وتوكلت
على الله وطلبته وناطرته يوصلني ,,
وبعدها رحت سرداب الشايع ولا اشوفه ويوم سألت عن السعر طلع 45 دينار ولازم طلب بعد قلت الحمدلله انه مو اقل من السعر الي طلبت هع
بس شوفوا فرق السعر
ماحب اقطع رزق احد بس ماحب اشجع على الطمع
ودنا نشجع التاجرات/التجار الكويتين بس اسعارهم مبالغ فيها
 
 
 
 
نزلت البوست قلت افيدكم قبل لاتطلبونه بسعر غالي وتتحسفون ,,
روحوا سيتي ستارز الري - بجانب لولو هايبر
 
 
واذا عندكم اي سؤال بخاطركم انا حاضرةة
تابعوني على تويتر :


 
 

مشترياتي لشهر نوفمبر | November Purchases

 
 
السلام عليكم ورحمةةة الله وبركاتةة
شلونكم ان شاءلله بخير ,,
كل عام وانت بخير بمناسبه السنة الهجريةة الجديده ,,
عام هجري جديد 1434 هــ اللهمه اهله علينا بالخير واجعله مبتدئ لكل مايرضيك يارب العالمين ,,
هالبوست كان المفروض انزلةة من الاسبوع الي طاف بس تعيجزت وبعدها مرضت واليوم قررت انزلةة ,,
قلت استحي على دمي وانزل البوست ان شاءلله تحبون مشترياتي وتستفيدون مني ,,
 
طبعا انا صرت مدمنة شي اسمه بوتس وعنايةة وهذا الشي كل ماله ويزيد  :(
رحت بوتس وكان ببالي شغلات ..
اهمها ابي شي يوخر الهلات الي عندي انا قبل كنت مستخدمه فيتشي والله 3 شهور مافي نتيجه
وقبله استخدمت منتجات n7 ماحبيتها مافي نتيجه كلشششششش ,,
المهم قلت اتوكل على الله واشتري كريم زارتكس للهالات ,,
من زمان وانا سامعه عنه بس مادري شنو السبب الي ماخلاني اشتريه  ,,
 
 
كريم zartaux للهالات والصيدلانيه الي في بوتس مدحته لي زياده
وطريقة الاستعمال بالليل ادهن منه حوالين العين بطريقه دائريه وبعدها يحفظ بثلاجة لانه هو سائل
شكل الكريم من الداخل هنا
 

ماركة fair and white  غنيةة عن التعريف اثق فيها تماماا بعد تجربتي لكريماتها
خذيت هاالديودرنت الخالي من الكحول ريحته حلوه والي بوتس قالت انه اكثر شي ينباع يعني زين
يوم رحت لقيتة  ,,
بعد ماجربته صج حلو وعلى قول الي بوتس بامكانه انه يقعد اسبوع ويحافظ على التعرق <<مااتخيل نفسي مااسبح اسبوع
سعره تقريبا 3 دنانير وشي

 
كريم St.ives بالكولاجين الماركة غنيه عن التعريف حبيت اجرب هالكريم لانه الكولاجين فوائدةة خياليه
وشي ضروري صراحه بالبشره اهل شرق اسيا ياكلون الكولاجين اكل وغير هذا اكلهم كله سمج
وشوفوا بشراتهم ونضاره وجيهم شي يبجي صراحةة
خذيت الكريم كتجربه عباره عن ترطيب ان شاءلله يكون يستاهل
ماجربته لي الحين
سعره تقريبا دينارين وشي

مناديل مزيله للمكياج من NIVEA
جربتها مره وحبيتها ماحسيتها تحسس الوجه او عيوني تعورني بعد ما امسح فيها
 

هالكريم من ماركهN7 الماركه نفسها ماحبيتها كلششششش ولا افكر اعيد تجربتها
بس هالكريم نصحتني في الصيدلانيه وقالت الماركه كلها ماطلع منها الا هالمرطب لشفايف
يعيد الشفايف الى اللون الطبيعي ويوخر التشققات الي فيها ونقدر نستخدمه كحمايه لشفايف قبل الحمر
جربته وحسيته حلو صارلي لي الحين اسبوع وانا احطةة حسيت شفايفي افتح من قبل
 
 
 
هذا السيروم من ماركه FAIR&WHITE  هو لتخلص من البقع
وطريقه الاستخدام يدهن  10 قطرات مع لوشن التبيض الليلي بسسس بالليل والصبح ينغسل
باأي صابونه


كل ما اروح الجمعيه او بوتس اذكر جسمي الا خشمي دايم منسي مادري ليشش
انا الحمدلله مافيني نقط سوود واضحه ولله الحمد بس ابي انظف خشمي
لانه منسسي هع 

 
هذا هو اللوشن الي قلت ينحط بعد سيروم FAIR&WHIE
يستخدم بالليل بس وهذا اللوشن مادحتةة مزيونه وشقره عضوة وتاجره في كويتيات
اثق فيها تماما بعد تجربتي لمنتجاتها

لوشن من FAIR&WHITE
بالحليب يستخدم بعد الاستحمام جاني هديه مسوينن على الماركةة عرض اشتري 2 والثالث مجاني خذيت
هذا اللوشن
سعره مو اقل من 17 دينار
 
 
 
اتمنى انكم حبيتوا مشترياتي ,,
وان شاءلله منتجاتي تكون حلوةة والنتيجه بعد ,,
سامحوني اذا التصوير موش احترافي  وسوري الاسعار ناسيتها
تابعوني على تويتر : https://twitter.com/_MAKEUP_LOVER

 


مشتريات من بودي شوب & بوتس

السلام عليكم ورحمةة الله وبركاته
كلنا نروح بودي شوب ونحوس فيه واخرتها مانشتري شي نستفيد منه ,,
تدرون ليشش ؟؟
لانكم  تروحون على عماكم بمعنى ماتبحثون بالنت ولاتشوف التجارب والفيديوات باليوتيوب ,,
قبل ماتشترون ,,
نصيحة ;; بنات لاتشترون شي بدون ماتدورون عنه بالنت وتشوفون التجارب 
انا كنت زيكم اروح على عماي وكنت اشتري اي شي المهم انه دخل مزاجي ,,
بس بعد ماعرفت هطريقه والسيرج ,,
صرت احب استكشف قبل لا اروح 
 المهمم اليوم رحت بوتس & بودي شوب  ,,
طبعا قبل اسبوع انا كنت ببوتس وشريت سنفره لليد وحاليا تحت التجربه بس اخلصها راح اقولكم عنهااا واذا فادتني او لأ ,,
بس اليوم رايحهةة بس ابي حبوب حق شعري واظافري ,,
واخرتها شريت حبوب كبد الحوت المعروفةة
 يلةة نبدي بمشتراياتي من بودي شوب,,,,



 
وهل يخفى عليكممم جيس بودي شوب  ياحبي له ,,,

 
مشترياتي بسيطةة لانه قبل اسبوع شاريةة منه ,,
المهم نبدي من اليمين ,,
1- ليفة بودي شوب سعرها 4.500 دينار كويتي
2- مشط شعر من بودي شوب  سعره 1.750 دينار كويتي
3- قطن تنظيف للوجه والاظافر سعره 1.250 دينار كويتي
3-زبدة العنايه باليدين والاظافر سعرها 4.500 دينار كويتي

 
نجي للشي المهم ليفة بودي شوب  ,,
هذي الليفه مكتوب انها فرشاة الصبار ,,
فوائدها ~1- إزالة القشور وَ الجلد الميت ، إللي بدوره راح يحسن هيئة الجلد وَ يعطيه نعومه وَ يسمحله بالتجدد ، وَ لاتنسون إن 70% من الغبار الموجود بالمنزل مصدره أجسامنا ، يعني تخيلوا الكم الهائل من الجلد الميت بأجسامنا بما إن الجلد أكبر عضو بجسمنا ، يعني بعدها مفروض ماتعانون من عدم توحد اللون
يعني إللي دآيم تَشوف فيه قَشور لما تطالع يدينها
وَ
لا رجولها أو تصدع بالجلد رآح تختفي مُشكلتها تَماماً 2- تحفيز الدوره الدمويه ، وَ زيادة تدفق الدم للجلد اللي راح يعطينا التورد وَ يشد الجسم 3- محاربة السليوليت
 
 
الحين الشي الثاني الي هو مشط بودي شوب

فوائده ~
روعه وتلاحظ يقل التساقط لو في تساقط
لانه ما هو قاسي على فروة الرأس لو لامسها ونلاحظ من نهاياته
 بس مو دايم ينفع في ناس تحب يكون المشط اوقات ناعم لترتيب اكثر
 
الحين الشي الثالث الي هو قطن الوجه والاظافر
شي حبيت اجربه من بودي شوب حسيته بيكون انعم من القطن العادي وكافي انه من بودي شوب
ومكتوب انه قطن 100% وهذا شي حيل يريح
 
وبس خلصنا من بودي شوب ,,
نجي لحبيب قلبي بوتس ودي انام فيه من كثر مافيه شغلات حلوه وغريبةة
صايره كل يوم ادخل النت واستكشف شنو اشياء بوتس الحلوةة ,,
هالمرةة رايحةة ابي حبوب لشعري حيل خاف عن قبل  وان شاءلله اشوف نتيجةةة يارب
 

طبعاا عارفين اول شي شنو هو ,,
حبوب كبد الحوت غنيةة عن التعريف ,,
والشي الثاني هذا زبدة للجسم مسوين عليها عرض وخذيتها بدينار ,,
 

 
هني كل  مشترياتي لليوم ,,
ماتكلمت عن فانزلين لانةة تحت التجربةة ,,
ان شاءلله تستفيدو مني ,,
سامحوني ع التصوير الي موش ولابد  :(