رفيو : بعض من مفضلاتي خلال الاشهر الي فاتت


مرحبا
ان شاء الله تكونين بخيير
مٌوضوعي بسيط عَبآرة عن ريفيو لخط اشياء جربتهم وصارلي فترة طويله عليهم
الاشياء في موضوعي هذا حبيتهم لي درجة المسكرا مو باقي منها شي ولي الحين استخدمها
وغير علبه الشدو مثل ماتشوفون اللون مخلص الا شوي  :)افتراضي

نبدي الرفيو من اليمين :

1- مرطب isis مع نسبه حمايه 20 بالميه تكلمت عنه بالبوست الي قبل هني الرابط
المرطب جميل حبيته في البدايه لمه بتحطونه على وجهكم بتشوفون انه لونه مايل للبياض بس بعد دقايق تتشربه البشره
ويصير نفس لون البشره كنت اعاني بجفاف حول الفم بس بعد هذا المرطب الحمدلله الجفاف تخلصت منه
وانا الحين استخدم العلبه الثانيه من المرطب حبيته

سعره 12 دينار او اقل

2- مزيل العرق من بودي شوب White Musk
على كثر ماجربت مزيلات عرق بس مثل هذا ماحبيت  لمه استخدمه  وين ما الف وادور الريحه تتحرك معاي
انصحححححكم فيه جربته وخلصته العلبه والحين برد اشتري نفسه
للعلم : ماسود منطقه الابط نهائيه ولا سببلي حساسيه


3- علبه الشدو من ماركه isador
eye shadow quartet
 20classic brown
هالعلبه عجيبه استخدم الون الي مايل على لون الجفن من غير برايمر الشدو يثبت ومايتكتل ويعطي لوك طبيعي
واستخدم الون الابيض تقريبا لتحت الحاجب , الباليت للاستخدام اليومي الوانه مات
الالوان في هالباليت ماشفتها باليت نيكد ون صراحه  انصحكمممم فيه وبقوه

سعره 7 دنانير



4- بودرة الحواجب من بودي شوب
اول ماشريتها استصعبت استخدامها بكم كنت استخدم تاتو جل , بس بعد ماجربتها طلعت ظالمه نفسسسسسسسسي 
البودرة فضيعه وماعتقد احد ماجربها , تستاهل المدح الي جاها
استخدم البودرة مع فرشه elf للحواجب عجيبه هالفرشه وسعرها 3$ تقدرون تطلبونها من هالرابط

سعر البودرة 6 دنانير


5-مسكرة ديور غنيه عن التعريف
جاتني هديه  من قبل جم شهر بس احلى مسسسكرا جربتها لي الحين تعطي كثااافه للرموش
انا طبعي احط المسكره مرتين ورا بعض بعدها اشوف رموشها فضيعه كأني مركبه رموششش
انصحكم فيها ماتكتل وخفيفه بسرعه تروح مع الغسيل


وان شالله اكون وفقت بطرح جزء من تجربتي الموفقه  ،،،
بآلنهايه آتمنى الكل يجرب الاشياء الي طرحتها ولو جربتوا قولولي شرايكم  ,,
راح افرح بتجاربكم