مساءكم / صباحكم خير ي رب
في البلوق نادر ماراح تشوفون ريفيو عن المطاعم لانه انا مو من الاكيلين 24 ساعه مطاعم
احب تكون تجاربي للمطاعم بشهر مره لا اكثر , احب اقضي يومي كله قهوه بأنواعها مع التحليه بالجوكلت
حياتي كلها جوكلت بس هالاسبوع نادراً ان كليت جوكلت ,,
مقدمه لتتضح بعض المفاهيم ,,
اليوم زرت مجمع ديسكفري - الكويت
مجمع راقي وهادي والي عنده اطفال انصحه فيه , الدور الاول كله محلات اطفال وحريم والخ ..
والدور الثاني مطاعم وكافيهات والالعاب الغريبه والعجيبه
والسرداب يتضمن نادي صحي نساءي ومحلات , المجمع صغير الى حد ما بس رائع هادي
يذكرني بمجمعات السعوديه ي حبي لها ولاهلها ,,,,
لانه اكثر متابعيني من السعوديه فحبيت تاخذون فكره عنه ولافكرتوا تزورون الكويت
لازم تمرون عليه ,,
تجربتي كانت في مطعم lord of the wings
مكان المطعم : في الطابق الثاني من المجمع
فكرة المطعم غريبه شوي يعطيج المنيوا وتعبينها بالاوردر الي تبينه بس تبون الصج استصعبت السالفه
اخترنا طلبنا وخليناه اهو الي يعبيها ,,
طلبنا هو : سلطة سيزر بالدجاج , جكن ساندوتش , Potatoes with cheese , عصير برتقال فرش , مرندا,,,
المطعم ماعليه زحمه كلش ف الطلب تحضر جدامنا وما اخذ الا10 دقايق بالكثير
وشي حلو نشوف الشيف وهو يحضره يعطي شعور ان الاكل ولله الحمد فرش
حبيت البطاط مع الجبن وسلطة سيزر كان ناقصها الصوص شوي بس ككل حلوه
وجكن ساندوتش كانت لذيذه مو دسمه كلش
حبيت المطعم بس المنيو مو مليان اطباق الاطباق جدا محدوده بالمنيو
الخدمه 10/10
Website: Click Here
Facebook: Click Here
Twitter: @LOTW_KW
Instagram: @lotw_kw
No comments