تجربتي في حقن ابر جولتاثيون وفيتامين سي

ادري البوست يمكن مايعجب الكل او يمكن تنصدمون بجرااأتي :) 
بس بيوم من الايام قررت اجازف واجرب ابر الجولتاثيون وفيتامين سي   
بالبداية خفت لانه الابر تنحقن بالوريد وهذي الشي يخوف بالنسبة لي كوني عمري ماجربت الابر :(

بس قبل كل شي بحثت بالانترنت وقريت اكثر من مواقع طبية ما اعتمدت على المنتديات وكلام البنات
دخلت بمزاجي وحسيت لازم اجربها لانه لها فوايد كثيرة وماشفت أي شي يخوف
بكلام المقالات الطبية مع العلم ان صديقتي جربت هذي الابرة ...

 استخرت قبل لا اروح الدكتور وكانت روحتي استشارة فقط ولا جبت له طاري الابرة أول ماشفت الدكتور قتلة عن اثار الحبوب الي في ظهري قالي ابر جولتاثيون انا وقتها انصدمت كأنه داري عن طلبي :)

على طول وافقت ورحت طقيت أول ابره , عباره عن 250 مل من جولثاثيون و150 فيتامين سي يعني اول ابره كانت جولتاثيون بعدها فيتامين سي , أول شعور جاني وانا طاقه الابرة ببكي الا شوي :p بس بعدين راح هشعور وقعدت اسولف مع السستر والوضع طبيعي بعد ماتخلص السستر دلكت ايدي وماحسيت بأي عوار + وصفلي الدكتور فيتامين سي فوار مرتين باليوم لانه يقلل من طبقة الميلانين الي تسبب تصبغات بالبشرة


أول الايام ..؟
حسيت وجهي منور حسيت كأنه صار صافي شوي ووبعد تغيرت عملية الايض
صار دخولي للحمام وانتوا بكرامه جدا طبيعي وماصرت اعاني من الامساك مثل قبل


كم جلسة أخذتي ..؟
 أخذت 4 جلسات يعني 4 مرات حقن جولتاثيون وفيتامين سي


شلون كانت النتيجة بعد الجلسات ..؟
احس تغير لوني صار اصفى بس مو لدرجة الي انا متخيلتها ولا مثل ماقال الدكتور مع العلم انه بعد هالجلسات المفروض أدخل على الدكتور ويشوف النتيجه ويعطيني حبوب جولتاثيون بس انا مليت للامانه احس كافي وصلت مرحلة خفت :p


كم صارلك من حقنتي الى الان ..؟
4 شهور والحمدللة ما اعاني من اي شي :p

 ماذكرت الاسعار لانها تختلف من عيادة الى عيادة :)



ماراح ارفق لكم الفوائد أبيكم تبحثون بالموضع وكتابتي للموضوع عرض تجربتي لكم للفائدة ماابي منكم شي :)
اذا عجبكم دعوة بظهر الغيب تكفيني ,,

اكتبولي تجاربكم مع اي شي جربتوه ان كان ليزر / خلطات جسم / كريمات  فادتكم راح احط تجاربكم في بوست خاص   

♥♥ ♥♥ ♥♥

for ads  ghadeerblog1@gmail.com

 Twitter | Instagram |pinterest