تجربتي لمكتبة بوكشينو - شراء كتاب التسوق عبر الانترنت

السلام عليكم ورحمه الله وبركاته 

الشهر عليكم مبارك , وكل عام وانتوا بخير

من مدة وانا بخاطري اشتري كتاب لبنى السلطان ♥♥♥♥

الكتاب يتكلم عن التسوق الالكتروني من أ الى ي 

مع العلم اني خبرة بالتسوق وجربت اشياء واجددد لو انزلها لكم بتنصدمون بس

العجز الله يكافيكم شره :( 

سبب اقتنائي للكتاب ابي يكون عندي مجموعة مواقع تسوق موثوقه لو يصير بالكمبيوتر اي شي ما احاتي ولا اتحسف :)

 

المهم الكتاب قبل اسبوع رحت سألت عنه بالكويت (جرير)- قالوا ماراح يتوفر الا بعد شهر :( وانا لا صار بخاطري شي , ماودي اماطل كثثثير عشان ما انسااه  ,

كلمت لبنى بالانستقرام عن هشي وقالت اطلبيه من مكتبة بوكاتشينو  

تواصلت معاهم بتويتر وكلمتهم بالدايركت مسج وكنت متوقعه انه لو ارسلوا لي الكويت بيرسلون الكتب على بريد الكويت <<البريد التعيييس مسببلي ازمه :(
بس تفاجأة انهم راح يشحنوا على الفيدكس
♡♡♡♡

 طلبت الكتب بتاريخ 9/7 ميلادي - والدفع كان عنطريق البيبل 

وتم شحن الكتب بتاريخ 11-7 وبنس اليوم اعطوني التراك نمبر

وقالولي الشحن ياخذ من 4-6 أيام 

ومثل ماتشوفون خلال 4أيام وصل ووصلوه لي البيت
♥♥♥ <3

 

لي الحين ماتعمقت بالكتاب بس تصفحتة ع السريع وشارح كل شي 

كل فصل يتكلم عن شي ,, 

 وتابعوني ف تويتر لأني عادة اتكلم عن اي شي واحط مواقع من تجربتي 

,

,

الكتاب موجود في جرير أو مكتبة بوكتشينو في المنطقة الشرقية